سعودی عرب وچ تشویشناک صورتحال، موتاں

ریاض(پاکستان پوائنٹ نیوز13۔اپریل2018ء) سعودی عرب دے شہر احساء الہفوف وچ پچھلے دیہاڑے اک دھار بارش دی وجہ توں زندگی دا نظام اُگھڑ دُگھڑ ہو گیا تے کئی ٹریفک حادثے ہوئے۔ عیر ریجن وچ 50ٹریفک حادثے ہوئے، جیہدے نتیجے وچ دو بندے ہلاک تے 59زخمی ہوئے۔ سول دفاع دے ترجمان محمد الشہری نے مقامی میڈیا نال گل بات کردے ہوئے آکھیا کہ موسم دی صورتحال ٹھیک نہ ہون دی وجہ توں شہری گھراں توں بغیر وجہ دے باہر نہ نکلن ۔ الشہری نے ہور آکھیا کہ کسے وی حادثے دی صورت وچ چھیتی 997اُتے اطلاع دتی جائے۔