واشنگٹن(پاکستان پوائنٹ نیوز12۔اپریل2018ء) امریکا شام اُتے کدوں حملا کرے گا، اہم خبر آ گئی۔ امریکی صدر ڈونلڈ ٹرمپ دا کہنا اے کہ شام اُتے کدوں تیکر حملا کیتا جا سکدا اے، اوہدا ٹائم فریم نہیں دس سکدے۔ تفصیل مطابق شام وچ شہریاں اُتے کیمیائی حملیاں مگروں امریکا نے شام خلاف فوجی کارروائی دا فیصلا کیتا سی جیہدے اُتے روس نے وی جوابی کارروائی دا اعلان کر دتا۔
ایس ساری صورتحال وچ پینٹا گون تے وائٹ ہاؤس و چکار اختلاف پیدا ہو گیا اے۔ پینٹا گون دا کہنا اے کہ حملے دے حوالے نال اجے کوئی حتمی فیصلا نہیں ہویا اے، جیہدے توں ظاہر ہوندا اے کہ امریکا وچ وی سول ملٹری تعلقات خراب ہو گئے نیں۔ جیہدے مگروں امریکی صدر ٹھنڈے پے گئے نیں۔ اپنے تازہ بیان وچ امریکی صدر نے شام اُتے حملے دا ٹائم فریم دین توں معذرت کیتی اے۔سماجی رابطے دی ویب سائٹ ٹویٹر اُتے اپنے اک پیغام وچ امریکی صدر دا کہنا سی کہ شام اُتے حملے دے ویلے دا اعلان کدی نہیں کیتا، پر حملا چھیتی یاں دیر نال وی ہو سکدا اے۔
