امریکی تواریخ وچ پہلی وار پاکستانی نژاد مسلمان وفاقی جج نامزد

واشنگٹن(پاکستان پوائنٹ نیوز07۔ستمبر2016ء) امریکی صدر بارک اوبامہ نے تواریخ وچ پہلی وار اک مسلمان نوں وفاقی جج نامزد کر دِتا۔ پاکستانی نژاد عابد قریشی ڈسٹرکٹ کولمبیا وچ تعینات ہون گے۔ وائٹ ہاؤس دے مطابق عابد ریاض قریشی دی بطورفیڈرل جج نامزدگی سینیٹ نوں گھلی گئی اے۔ کانگریس توں منظوری دے بعد عابد قریشی ڈسٹرکٹ آف کولمبیا وچ جج ہون گے تے اوہناں نوں پہلے پاکستانی نژاد مسلمان وفاقی جج بنن دا اعزاز حاصل ہوئے گا۔ امریکی صدر اوباما دا کہنا اے کہ عابد قریشی نوں ڈسٹرکٹ کورٹ جج نامزد کرن وچ مینوں خشی ہوئی اے۔ صدر اوباما نے ایس امید دا اظہار کیتا اے کہ عابد قریشی پوری دیانت داری نال اپنے فرض نبھاون گے۔