سعودی عرب وچ حج دے موقعے اُتے سکیورٹی دے انتظامات مکمل، اک لکھ توں ودھ اہلکار تعینات

سعودی عرب وچ حج دے موقعے اُتے سکیورٹی دے انتظامات مکمل، اک لکھ توں ودھ اہلکار تعینات

مکہ مکرمہ(پاکستان پوائنٹ نیوز07۔ستمبر2016ء) سعودی عرب وچ حج دے موقع اُتے سکیورٹی دے انتظامات مکمل کر لِتے گئے ، کسے وی اَن ہونی نال نبڑن لئی اک لکھ توں ودھ اہلکاراں نوں تعینات کیتا گیا اے۔ میڈیا رپورٹ دے مطابق سعودی عرب وچ حج دی ادائیگی لئی دنیا بھر توں مسلماناں دی آمد دا سلسلا جاری اے۔ مکہ مکرمہ وچ حج دا آغاز ہفتے توں ہووے گا۔ چالو ورھے 30 لکھ دے نیڑے مسلمان حج دی سعادت حاصل کرن گے۔ سعودی حکومت نے پچھلے ورھے ہون والے دُکھانت نوں نظر وچ رکھدے ہوئے ایس ورھے سکیورٹی انتظامات سخت کیتے نیں۔ سکیورٹی دی ذمے واری لئی اک لکھ توں ودھ اہلکاراں نوں تعینات کر دِتا گیا اے جدکہ ہیلی کاپٹرز دے ذریعے وی نگرانی دا عمل شروع کر دِتا گیا اے۔