دبئی: گڈیاں دے آپسی وچ ٹکران نال 20 بندے زخمی

دبئی(پاکستان پوائنٹ نیوز06۔ستمبر2016ء) دبئی وچ شیخ زید روڈ اُتے سویرے 7 وجے دے نیڑے کئی گڈیاں آپسی وچ ٹکرا گئیاں۔ گڈیاں دی ٹکر پاروں 20 بندے زخمی ہو گئے۔ تفصیل دے مطابق اک سربیائی شہری دی کار تیز رفتاری پاروں اپنے توں اگلی کار نال ٹکرا گئی۔ جہدے نتیجے وچ 3 منٹ بعد اک تیز رفتار منی بس حادثے دا شکار گڈیاں نال ٹکرا گئی۔ جہدے نتیجے وچ اوتھے کھلوتے بندے زخمی ہو گئے۔ جدکہ ایہناں گڈیاں دے آپسی وچ ٹکر دے 5 منٹ ای بعد ہور گڈیاں حادثے دا شکار گڈیاں نال ٹکرا گئیاں۔ جہدے نتیجے وچ 20 بندے زخمی ہو گئے جہناں نوں ڈاکٹری امداد لئی لاگے دے ہسپتال منتقل کر دِتا گیا اے۔