نویں دِلی(پاکستان پوائنٹ نیوز11۔اکتوبر2017ء) بھارتی سپریم کورٹ نے نابالغ بیوی نال جسمانی تعلقات قائم کرن بارے اک غیر معمولی فیصلا سناندے ہوئے آکھیا اے کہ 18سال توں گھٹ عمر بیوی نال جسمانی تعلق قائم کرنا جرم اے‘ اوہنوں ریپ متھیا جائے گا، نابالغ بیوی اک سال دوران خاوند خلاف شکایت درج کروا سکدی اے۔ بدھ نوں بھارتی سپریم کورٹ نے 18سال توں گھٹ عمر بیوی نال جسمانی تعلق قائم کرنا جرم قرار دیندے ہوئے، ایس فعل نوں ریپ قرار دتا اے۔
بھارتی سپریم کورٹ دا کہنا اے کہ نابالغ بیوی اک سال دوران اپنے خاوند خلاف خلاف شکایت درج کروا سکدی اے۔عدالت نے اپنے فیصلے وچ ہور آکھیا شوہر اپنی نابالغ بیوی دی مرضی توں بغیر اوہدے نال جسمانی تعلق قائم کردا اے تے ایہ جرم اے۔ یاد رہوے کہ بھارت وچ بالغ قرار دتے جان دی عمر 18سال متھی گئی اے ، جہدے بارے سپریم کورٹ نے آکھیا اے کہ ایہدے وچ کمی نہیں کیتی جا سکدی۔
