انقرہ(پاکستان پوائنٹ نیوز11۔اکتوبر2017ء) ترک صدر رجب طیب اردوان نے انقرہ وچ امریکی سفیر جان باس نوں امریکی نمائندہ منن توں انکار کردے ہوئے آکھیا اے کہ اسیں انقرہ وچ امریکی سفیر نوں جی آیاں آکھن نوں تیار نہیں۔ ترک میڈیا مطابق ترک صدر نے آکھیا کہ نہ اوہ تے نہ ای اوہناں دی حکومت انقرہ وچ تعینات امریکی سفیر نوں مندی اے۔ ایس موقعے تے رجب طیب اردوان نے انقرہ وچ امریکی سفیر جان باس نوں اپنے ملک دی نمائندگی توں وکھ قرار دتا۔
اوہناں نے آکھیا کہ جے ویزیاں دا اجرا روکن دا فیصلا امریکی سفیر دا اے تے اوہناں اُتے لازم اے کہ اوہ اپنے منصب نوں چھڈ دین۔ اوہناں دا کہنا سی کہ اسیں انقرہ وچ امریکی سفیر نوں جی آیاں آکھن لئی تیار نہیں۔ یاد رہوے کہ کُجھ مہینے پہلے ای امریکا نے ترک باشندیاں لئی غیر امیگریشن (کسے قسم دا کاروباری تے سیاحتی) ویزہ نہ دین دا اعلان کیتا سی جہدے مگروں دوویں ملکاں وچکار تعلقات خراب ہو گئے۔
