بیجنگ(پاکستان پوائنٹ نیوز10-۔اکتوبر2017ء) چین دی سبھ توں وڈی ٹیلی سکوپ نے دو تارے ہوربھال لئے نیں۔ ایہ تارے اک سال دے آزمائشی پیریڈ مگروں بھالے گئے نیں۔ چائنہ ریڈیو انٹرنیشنل مطابق ایہناں دو تاریاں نوں 1931-01تےJ1859-01دا ناں دتا گیا اے۔ ایہ دوویں تارے ترتیب وار 16ہزار اک سو نوری سال دے فاصلے اُتے نیں۔ چینی قومی ’اجرام فلکی‘ رصد گاہ دے چیف سائنٹسٹ لی تی دا کہنا اے کہ ایہناں دو تیاریاں نوں جنوبی کہکشاں دی سکیننگ دوران 22تے 25اگست نوں بھالیاگیا۔
بعدوں ستمبر وچ چینی ٹیلی سکوپ دی ایس بھال دی تصدیق اک آسٹریلین ٹیلی سکوپ نے وی کیتی۔ ٹیلی سکوپ پروجیکٹ کیڈپٹی ڈائریکٹر پینگ پو نے آکھیا کہ عام طور اُتے چین دی سبھ توں وڈی ٹیلی سکوپ دے کھلار دے برابر ٹیلی سکوپس نوں تن توں پنج سال دا آزمائشی ویلا چاہیدا اے۔ پر اک سال اندر ای ایس طرحاں دی بھال بہت ای چنگی گل اے۔
