پاکستان دے حق وچ بولن والی بھارتی اداکارہ دی گڈی اُتے حملا

نویں دِلی(پاکستان پوائنٹ نیوز26۔اگست 2016ء) پاکستان دے حق وچ بولن والی بھارتی اداکارہ نوں پاکستان دے حق وچ بیان دینا مہنگا پے گیا۔ تفصیل دے مطابق پاکستان دے حق وچ بیان دین اُتے رامیہ دی گڈی اُتے حملا۔ تفصیل دے مطابق بھارتی شہر منگورو وچ وکھالویاں نے رامیہ دی گڈی نوں گھیر لیا تے گڈی اُتے ڈنڈے ماردے ہوئے بالی ووڈ اداکارہ خلاف نعرے بازی کیتی۔ جدکہ وکھالویاں نوں کنٹرول کرن لئی پولیس نوں سَدھیا گیا جہنے رامیہ نوں گڈی توں کڈھ کے ائر پورٹ پہنچایا۔ یاد رہوے کہ رامیہ نے بھارتی دفاع وزیر منوہر دے پاکستان مخالف بیان دی مخالفت کیتی سی تے آکھیا سی کہ پاکستانی وی ساڈے ورگے ای لوک نیں۔