دبئی(پاکستان پوائنٹ نیوز25۔اگست 2016ء) سعودی وزات حج نے چالو ورھے حج دے مناسک وچ شامل اہم رکن رمی جمرات اُتے کنکریاں مارن دے ویلے نوں گھٹ کر کے 12 گھنٹے کر دِتا اے۔ رمی جمرات شیطان نوں کنکریاں مارن دے عمل نوں آکھدے نیں۔ ایس ورھے شیطان نوں کنکریاں مارن دا عمل معمول مطابق منی وچ 11 ستمبر نوں شروع ہو کے تِن نومبر تیکر جاری رہوے گا۔ منی دا مقام مکہ دی مسجد الحرام توں تقریبن 5 کلو میٹر دور اے۔
وزارت حج و عمرہ دے ترجمان دا کہنا اے کہ پہلے دن سویرے 6 وجے توں لے کے ساڈھے 10 وجے تیکر کنکریاں مارن دی اجازت نہیں ہووے گی۔ دوجے دن دوپہلر 2 وجے توں شام 6 وجے تیکر جدکہ تیجے تے آخری دن سویرے 10;30 وجے توں لے کے 2 وجے تیکر کنکریاں مارن دی اجازت نہیں ہووے گی۔ وزارت حج دے نائب سیکرٹری حسین الشریف دا کہنا اے کہ ایس عمل وچ حاجیاں نوں کنکریاں مارن وچ آسانی ہووے تے رش گھٹ ہون پاروں نس بھج دا خطرانہیں ہووے گا۔ یاد رہوے کہ پچھلے ورھے حج دے دوران کنکریاں مارن دوران رش پاروں کئی حاجی شہید ہو گئے سن۔
