سعودی بنک سوانیاں نوں گڈیاں خریدن لئی قرضے دین نوں تیار

الدمام(پاکستان پوائنٹ نیوز29۔ستمبر2017ء) سعودی عرب وچ سوانیاں نوں گڈی چلان دی اجازت دے شاہی فرمان مگروں سوانیاں دا گڈیاں خریدن ول رجحان ودھن دے امکان نوں مُکھ رکھدے ہوئے بنکاں توں گڈیاں لئی قرضے لین دا رجحان وی ودھن دی آس اے۔ ایسے امکان نوں مُکھ رکھدے ہوئے سعودی بنکاں نے قرضے دین لئی اپنے آپ نوں تیار کر لیا اے۔ سعودی بنکاں دی میڈیا و بنکاں دی آگاہی دے ادارے دی سیکرٹری جنرل طلعت حفیظ نے مقامی میڈیا نال گل بات کردے ہوئے آکھیا کہ سعودی بنک سوانیاں نوں گڈیاں خریدن لئی قرضے دین لئی تیار نیں۔ اوہناں نے ہور آکھیا کہ سعودی عرب وچ سوانیاں لئی ٹرانسپورٹ وڈے مسئلیاں وچوں اک اے تے سوانیاں نوں ڈرائیونگ کرن دی اجازت ملن مگروں ایہدے اُتے کسے حد تیکر قابو پے جائے گا۔