سابق بھارتی وزیر دی سوانی نال کئی وار زیادتی‘ مقدمہ درج کر لیا گیا

ممبئی(پاکستان پوائنٹ نیوز29۔ستمبر2017ء) سابق بھارتی وزیر سچا سنگھ لنگا خلاف سوانی نال زیادتی دے جرم وچ مقدمہ درج کر لیا گیا اے۔ تفصیل مطابق سابق بھارتی وزیر سنگھ لنگا خلاف مقدما سوانی نال کئی وار زیادتی کرن دے جرم وچ درج کیتا گیا۔ گورداسپور پولیس دے سینئر سپریٹنڈنٹ نے دسیا کہ اوہناں نوں اک سوانی نے شکایت کیتی کہ سنگھ لنگا نامی سابق وزیر نے کئی وار اوہنوں جنسی تشدد دا نشانہ بنایا تے دھوکھے نال اوہدی ساری جائیداد وی ویچ دتی۔ ایس ایس پی دا کہنا سی کہ تحقیق کرن مگروں پتا لگا کہ سابق بھارتی وزیر نے ایہ جرم کیتا اے۔ جہدے مگروں گورداسپور پولیس سٹیشن وچ سنگھ لنگا خلاف انڈین پینل کوڈ دے سیکشن 376‘348‘420تے 520دے تحت مقدمہ درج کر لیا گیا اے۔