آسام (پاکستان پوائنٹ نیوز15۔اگست 2016ء) بھارت وچ 70 ویں آزادی دیہاڑ دے موقع تے شمال مشرقی ریاست آسام وچ چار بم دھماکے۔ بھارتی میڈیا دے مطابق ریاست آسام دے ضلع تنسوکیا دے مختلف علاقیاں وچ سویرے چار وجے معمولی نوعیت دے چار دھماکے ہوئے۔پولیس دا دھماکیاں بارے آکھنا اے کہ ایہ دھماکے دیسی بماں دے ذریعے کیتے گئے جہناں نوں مختلف تھاواں تے لُکایا گیا سی تے ایہدے پِچھے علیحدگی پسند تنظیم یونائٹڈ لبریشن فرنٹ آف آسام دا ہتھ اے۔
پولیس دا کہنا سی کہ ایہناں دھمکیاں دے نتیجے وچ کوئی جانی نقصان نہیں ہویا جدکہ پہلا دھماکا لائی پولی وچ اندرا گاندھی سکول دے باہر سویرے 7 وج کے 15 منٹ تے ہویا۔ دوجا تے تیجا دھماکا دوم دوما دے علاقے وچ ہویا جدکہ چوتھا دھماکا گامتوماتی دے علاقے وچ سُنیا گیا جِتھے بارھاں اگست دی رات نوں وی یو ایل ایف اے دے کارکناں نے دو بندیاں نوں قتل تے چھ نوں زخمی کر دِتا سی۔ یاد رہوے کہ یو ایل ایف اے وکھ ریاست دا قیام چاہندی اے۔ تے اوہ 1990 توں وکھ ہون دی تحریک چلا رہی اے جدکہ ہندوستاں نے ایہنوں دہشت گرد تنظیم قرار دے کے ایہدے تے پابندی لائی ہوئی اے۔
