نیویارک (پاکستان پوائنٹ نیوز15۔اگست 2016ء) ری پبلکن صدارتی امیدوار ڈونلڈ ٹرمپ نے امریکی میڈیا نوں فریبی آکھ دِتا۔ تفصیل دے مطابق ری پبلکن امیدوار ڈونلڈ ٹرمپ اک وار فیر امریکی میڈیا اُتے برس پئے، ایس وار ری پبلکن امیدوار نے اپنی الیکشن مہم دی صحیح کوریج نہ کرن اُتے امریکی میڈیا نوں فریبی آکھ دِتا۔ ری پبلکن صدارتی امیدوار نے اپنی صدارتی مہم دے دوران کسے نوں نہ بخشیا، اپنیاں دے نال نال مخالفاں نوں تے نشانا بنایا سی پر امریکی میڈیا اُتے وی برس پئے۔
فیئر فیلڈ وچ جلسے نال خطاب دے دوران ڈیموکریٹک صدارتی امیدوار اُتے تیر ورساندے ہوئے اوہناں نے آکھیا کہ اوہ فریبی ہیلری کلنتن خلاف الیکشن لڑ رہے نیں۔ ٹرمپ دا ایہ غصا امریکی اخبار نیو یارک ٹائمز اُتے سی جہدے وچ چھپن والے اک مضمون وچ ٹرمپ نوں ڈاڈھی تنقید دا نشانا بنایا گیا سی۔ اخبار نے موجودہ سیاسی ماحول وچ ڈونلڈ ٹرمپ نوں غیر متوازن، پریشان، اُداس تے مایوس بندا قرار دِتا سی۔
