سندھ ہائیکورٹ نے گواچے بندیاں دی رہائی لئی حکومت تے ہور فریقاں توں 19 ستمبر تیکر جواب منگ لیا

سندھ ہائیکورٹ نے گواچے بندیاں دی رہائی لئی حکومت تے ہور فریقاں توں 19 ستمبر تیکر جواب منگ لیا

کراچی (پاکستان پوائنٹ نیوز15۔اگست 2016ء) سندھ ہائی کورٹ نے گواچے بندیاں دی رہائی لئی سندھ حکومت سنے ہور فریقاں توں 19 ستمبر تیکر جواب منگ لیا اے۔ عدالت نے حکم دِتا کہ گواچے بندیاں دی بازیابی لئی ٹھوس تے نتیجا خیز اقدامات کیتے جان۔تفصیل دے مطابق گواچے بندیاں دی بازیابی بارے دایر درخاستاں دی سنوائی دوران سندھ ہائی کورٹ نے تشویش دا وکھالا کردے ہوئے آکھیا اے کہ گواچے بندیاں دی رہائی لئی بنائی گئی صوبائی ٹاسک فورس تے جوائنٹ انٹیروگیشن بارے کوئی بہتر نتیجے نہیں نکل رہے جدکہ جے آئی ٹی دے اجلاس وی بے نتیجا ہو رہے نیں۔

درخاست گزار دے وکیل دا کہنا سی کہ حکومت دے آکھن مگروں وی ضیاء اقبال تے مرزا محمود علی بیگ دی بازیابی لئی اقدامات نہیں کیتے جا رہے۔ عدالت نے گواچے بندیاں دی بازیابی لئی ٹھوس تے نتیجا خیز اقدامات کرن دا حکم دیندے ہوئے سندھ حکومت تے ہور فریقاں توں 19 ستمبر تیکر جواب منگ لیا اے جدکہ گواچے بندیاں رضوان، عارف خان، جہانگیر، جاوید تے ہور دی رہائی لئی صوبائی ٹاسک فورس بنان دا حکم دِتا اے۔

عدالت نے سعد صدیقی دے لاپتا ہون دے معاملے اُتے اوہدے والد عثمان معظم نوں جے آئی ٹی دے سامنے پیش نہ ہون تے جیل سپرنٹنڈنٹ نوں وی طلب کر لیا۔ دوجے پاسے ایڈووکیٹ جنرل سندھ دے نائب قاصد دی گھر والی دے گواچن دی درخاست اُتے نوٹس دے باوجود پیش نہ ہون اُتے ایس ایچ او ماڈل کالونی دے وانٹ جاری کر دِتے گئے۔ عدالت نے ایس ایچ او ماڈل کالونی نوں گرفار کر کے 25 اگست نوں پیش کرن دا حکم دِتا اے۔