دبئی: عدالت دا پرس چوری کرن دے الزام وچ گرفتار پاکستانی کلرک نوں ثبوت نہ ہون پاروں رہا کرن دا حکم

دبئی (پاکستان پوائنٹ نیوز13۔اگست 2016ء) دبئی کریمنل کورٹ نے اک پاکستانی کلرک نوں چوری دے مقدمے وچ ثبوت نہ ہون تے رہا کر ن دا حکم دے دِتا۔ تفصیل دے مطابق اک بنگالی شہری نے عدالت وچ دسیا کہ اوہدا پرس جہدے وچ 2000 درہم تے ضروری کاغذات سن، نجی شاپنگ مال وچ اک پاکستانی کلرک نے چُوری کر لیا۔ عدالت وچ پاکستانی شہری نے اپنے دفاع وچ آکھیا کہ ایہ اک جھوٹھا الزم اے ۔

میں کسے دے پیسے یاں پرس چوری نہیں کیتا۔ دبئی پولیس نے اپنی تحقیقاتی رپورٹ وچ عدالت نوں دسیا کہ سی سی ٹی وی فوٹیج وچ پاکستانی کلرک دے ایس واقعے وچ ملوث ہون دے کوئی ثبوت نہیں ملے جدکہ ساڈی تفتیش دوران وی پاکستانی نے کسے قسم دی چوری دا اعتراف نہیں کیتا۔ عدالت نے سارے ثبوتاں نوں ویکھدے ہوئے پاکستانی شہری نوں رہا کرن دا حکم دے دِتا۔