سری نگر (پاکستان پوائنٹ نیوز13۔اگست 2016ء) بھارتی پولیس نے حریت رہنما میر واعظ عمر فاروق نوں گرفتار کر لیا۔ میڈیا رپورٹ دے مطابق بھارتی پولیس نے حریت رہنما میر واعظ عمر فاروق نوں گرفتار کر لیا اے۔ یاد رہوے کہ میر واعظ عمر فاروق نے ریفرنڈم مارچ وچ رلت کرن دا علان کیتا سی جہدی سربراہی روکن لئی ہفتے والے دیہاڑے اوہناں نوں گرفتار کر لِتا گیا۔
دوجے پاسے مقبوضہ کشمیر وچ احتجاجی وکھالیاں دی کال دے نتیجے وچ کرفیو وچ سختی کر دِتی گئی۔ حریت رہنماواں نے اپیل کیتی سی کہ ایس ویک اینڈ تے بھارتی حکومت خلاف وڈے پیمانے تے وکھالے کیتے جان گے۔ ایہناں رہنماواں دا کہنا اے کہ نویں دلی حکومت ، کشمیر دے مستقبل بارے اک ریفرنڈم کروائے۔ ایس توں وکھ بھارتی حکومت نے وکھالیاں توں بچن لئی سری نگر تے اوہدے دوال دے علاقیاں وچ سکیورٹی ودھا دِتی اے۔
