بیجنگ (پاکستان پوائنٹ نیوز13۔اگست 2016ء) چینی حکومت نے سائنس تے ٹیکنالوجی دی تعلیم دے فروغ لئی اپنے بھرپور عزم دا وکھالا کیتا اے۔ سٹیٹ کونسل ولوں شائع کیتے جان والے سائنس تے ٹیکنالوجی دے منصوبے بارے آکھیا گیا اے کہ چینی حکومت ایس مقصد لئی 2020 تیکراپنی کل قومی پیداوار دا 20 فیصد حصا سائنس تے ٹیکنالوجی لئی خرچ کرے گی۔ جدکہ منصوبے وچ سائنسی تحقیق، ٹیکنالوجی دی ترقی لئی زیادا توں زیادا فنڈ رکھے گئے نیں۔
جدکہ حکومت ایس مقصد لئی قانون سازی نوں وی بہتر بنائے گی، لوکائی وچ سائنس تے ٹیکنالوجی دی تعلیم بارے شعور پیدا کیتا جاوے گا تاں جے 2020 تیکر انج دی تعلیم حاصل کرن والیاں وچ 10 فیصد وادھا کیتا جا سکے۔ 2015 وچ کیتے گئے اک سروے دے مطابق ایہ گل سامنے آئی اے کہ 2010 تیکر سائنس تے ٹیکنالوجی دی تعلیم حاصل کرن والیاں دی گنتی وچ 3-27 فیصد سالانا وادھا ہوندا رہیا اے جدکہ پچھلے ورھے ایہ وادھا 6-2 فیصد رہیا۔ ہُن تیکر حکومت نے ایہنوں ترقی دین لئی سالانا وادھے دی شرح 10 فیصد تیکر کرن دا فیصلا کیتا اے۔
