خانہ کعبہ دی سنت نبوی دے تحت کس طرحاں صفائی کیتی جاندی اے، پڑھو

مکہ(پاکستان پوائنٹ نیوز25۔مئی2017ء) خانہ کعبہ مسلم امہ دا مرکز اے۔ ایہ مسلماناں دا قبلہ اے ۔ سعودی خبر رساں ایجنسی مطابق خانہ کعبہ دی حضرت محمد دی سنت دی پیروی کردے ہوئے صفائی کیتی جاندی اے۔ اعلا افسر خانہ کعبہ دیاں اندرلیاں کندھاں زم زم دے پانی نال صاف کردے نیں جہدے وچ عود دا پروفیوم وی رلیا ہوندا اے۔ اوہ اک کپڑا آب زم زم جہدے وچ عود دا پانی وی ہوندا اے وچ ڈبوندے نیں۔ خانہ کعبہ دی صفائی دا کم مِتھی گئی تاریخ توں پہلے ای شروع ہو جا جاندا اے، زم زم دے پانی وچ طائف روز، عود تے دوجے قیمی پرفیوم پائے جاندے نیں۔ خانہ کعبہ دیاں کندھاں صاف کرن لئی تولیے ورتے جاندے نیں تے جدوں پروہنے ہال توں چلے جاندے نیں فیر اوہدے سنگ مرمر دے فرش نوں صاف کیتا جاندا اے۔ خانہ کعبہ دیاںاندرلیاں کندھاں چِٹے کپڑے جہنوں گلاب تے کستوری دے پرفیوم وچ ڈوبیا جاندا اے، نال صاف کیتیاں جاندیاں نیں۔ زم زم دا پانی جہدے وچ گلاب دا پروفیوم رلیا ہوندا اے ایس مرکب نوں فرش اُتے سُٹ دتا جاندا اے تے مگروں اوہنوں ہتھاں نال کھجور دے پتیاں راہیں صاف کیتا جاند ااے۔ عام طور اُتے ایہ عمل دو گھنٹیاں وچ پورا ہو جاندا اے۔ خانہ کعبہ دیاں اندرلیاں کندھاں دی لمبائی 3میٹر اے ۔