سعودی عرب: پہلا روزہ ہفتے نوں ہووے گا، ایس وار 29روزے ہون گے: ماہر فلکیات

ریاض(پاکستان پوائنٹ نیوز25۔مئی2017ء) سعودی ماہر فلکیات نے پیشنگوئی کیتی اے کہ روزیاں دا مہینہ ہفتے توں شروع ہووے گا تے ایس وار 29روزے ہون گے۔ غیر ملکی میڈیا مطابق سعودی ماہر فلکیات ڈاکٹر خالد ولوں ٹویٹر اُتے جاری پیغام وچ آکھیا گیا اے کہ روزیاں دا مہینہ ہفتے توں شروع ہووے گا تے ایس وار 29روزے ہون گے۔ اوہناں دے مطابق چالو ورھے روزے ہفتے نوں ای ختم ہون گے جدکہ پورے مہینے وچ کل 4جمعے آن گے۔ اوہناں نے ہور آکھیا کہ8ویں روزے توں ای گرم دن شروع ہو جان گے جدکہ گرمی دی شدت 40دن تک برقرار رہوے گی۔