ممبئی(پاکستان پوائنٹ نیوز29۔اپریل2017ء) انڈرورلڈ ڈان داﺅد ابراہیم دی ہارٹ اٹیک نال موت دیاں خبراں ساہمنے آ رہیاں سن۔ پاکستان وچ ملن والیاں اطلاعواں دے مطابق داﺅد ابراہیم نوں دل دا دورا پیا ، جہدے نال اوہ چلانا کر گئے۔ پر ہن داﺅد ابراہیم دے قریبی ساتھی چھوٹا شکیل نے اوہناں دی موت دیاں خبراں نوں رد کردے ہوئے آکھیا کہ بھائی بالکل ٹھیک تے صحت مند نیں۔
ٹائمز آف انڈیا وچ چھپن والی اک رپورٹ دے مطابق اخبار دا دعوا اے کہ اوہناں نے پاکستان دے شہر کراچی وچ موجودداﺅد ابراہیم دے قریبی ساتھی چھوٹا شکیل نال رابطا کیتا تے پتا لگا کہ اوہدی موت دیاں خبراں بے بنیاد نیں۔ چھوٹا شکیل نے آکھیا کہ میری آواز سُن کے لگدا اے کہ بھائی نوں کُجھ ہویا اے؟ ایہ ساریاں افواہواں نیں۔ این ڈی ٹی وی دے مطا بق بھارت کئی ورھیاں توں 61ورھیاں دے داﺅد ابراہیم دی بھال وچ لگا ہویا اے۔ چیتے رہوے کہ داﺅد ابراہیم نوںممبئی حملیاں تے منی لانڈرنگ کیسز وچ بھارت اندر مطلوب قرار دتا گیا اے۔
