پاکستان ’جیش العدل‘ خلاف کارروائی کرے: ایران دا مطالبا

تہران(پاکستان پوائنٹ نیوز29۔اپریل2017ء) ایران نے الزام لایا اے کہ عسکریت پسنداں دے مبینہ حملے وچ دس ایرانی سرحدی محافظاں دی موت دے واقعے پچھلے ’جیش العدل‘ ملوث اے، پاکستان اوہدے خلاف کارروائی کرے۔ غیر ملکی خبر رساں ادارے دے مطابق وزارت خارجا دے ترجمان بہران قاسمی نے اک بیان وچ آکھیا کہ ایران امید رکھدا اے کہ پاکستان ساڈے دس سرحدی گارڈز دی موت دے ذمے وار دہشت گرداں دی گرفتاری تے اوہناں نوں سزا دین لئی اقدامات کرے گا۔ چیتے رہوے کہ ’جیش العدل‘ نامی عسکریت پسند گروہ پہلے وی ایرانی سکیورٹی فورسز اُتے حملے کر چکیا اے۔ ایہ گروہ ایران اُتے سنی مسلماناں تے بلوچاں نال مَندا سلوک کرنا دا الزام لاندا اے جدکہ ایران ایس الزام نوں قبول کرن توں انکاری اے۔