افغانستان: طالبان نے ’آپریشن منصوری‘ دے تحت حملے کرن دا اعلان کر دتا

کابل(پاکستان پوائنٹ نیوز28۔اپریل2017ء) افغانستان وچ طالبان نے ’آپریشن منصوری‘ دے تحت حملے کرن دا اعلان کر دتا۔ غیر ملکی خبر رساں ادارے دے مطابق افغان طالبان ولوں جاری ہون والے بیان وچ آکھیا گیا اے کہ ملک وچ ہن آپریشن ’منصوری‘ شروع کیتا جائے گا جوکہ پچھلے سال امریکی ڈرون حملے وچ ہلاک ہون والے طالبان رہنما محمد اختر منصور دے حوالے نال اے۔ بیان وچ ہور آکھیا گیا اے کہ ایہ حملے صرف فوج خلاف ہون گے۔ ایس حوالے نال عام لوکائی نوں آکھیا گیا اے کہ اوہ فوجی قافلیاں تے ہور حساس تھاواں توں دور رہن۔