دبئی(پاکستان پوائنٹ نیوز25۔فروری2017ء) دبئی دے حاکم شیخ محمد بن راشد المکتوم دی اک ویڈیو پچھلے دیہاڑے توں ای سوشل میڈیا اُتے وائرل ہو رہی اے، ویڈیو وچ حاکم دبئی نوں بغیر کسے پروٹوکول دے دبئی دی سڑک اُتے ٹُردے ویکھیا گیا۔ جی ہاں، دبئی دے حاکم شیخ محمد بن راشد المکتوم نے سٹی واک دبئی دا پیدل دورا کیتا۔ بغیر کسے پروٹوکول دے حاکم دبئی نے سگنل اُتے کھلو کے سگنل بند ہون دا انتظار وی کیتا جہدے مگروں اوہ سڑک پار کر کے دوجے پاسے چلے گئے۔
حاکم دبئی دی ایہ ویڈیو سوشل میڈیا اُتے کئی وار ویکھی گئی اے۔ سوشل میڈیا ورتیندڑاں نے بغیر سکیورٹی تے پروٹوکول شیخ محمد بن راشد المکتوم دی سڑک اُتے ٹُردے دی ویڈیو نوں سلاہیا تے آکھیا کہ حاکم اوہی ہوندا اے جو بغیر خوف تے خطرے دے لوکائی وچ ٹُردا پھردا اے۔ دوجے پاسے ایس ویڈیو اُتے پاکستانی سوشل میڈیا ورتیندڑاں نے وی تبصرا کردے ہوئے آکھیا کہ اصل حاکم ایہو نیں، کیونکہ پاکستان دے حاکم تے پروٹوکول دے نال نہ صرف لنگھدے نیں بلکہ سڑکاں تک خالی کروا لیندے نیں۔ حاکم دبئی دی ایہ ویڈیو تُسیں وی ویکھو!
