تاجکستان نے افغانستان نوں بائی پاس کردے ہوئے پاکستان روڈ لنک نوں جوائن کرن دا فیصلا کر لیا

تاجکستان نے افغانستان نوں بائی پاس کردے ہوئے پاکستان روڈ لنک نوں جوائن کرن دا فیصلا کر لیا

تاجکستان(پاکستان پوائنٹ نیوز25۔فروری2017ء) تاجکستان نے افغانستان نوں بائی پاس کردے ہوئے پاکستان روڈ لنک نوں جوائن کرن دا فیصلا کر لیا۔ تفصیل دے مطابق اک پاسے جتھے افغان دارالحکومت کابل پاکستانی دارالحکومت اسلام آباد نال تجارتی راہداری دے منصوبے دے سمجھوتے نوں حتمی شکل نہیں دے رہی اوتھے تاجکستان نے پاکستان نوں وچکارلے ایشیا نال جوڑن لئی وکھ روڈ لنک اُتے کم کرن دا فیصلا کیتا اے جہدے وچ افغانستان نوں بالکل بائی پاس کردِتا جائے گا۔

متعلقا حکام نے دسیا کہ تاجکستان نے کوارڈیلیٹرل ٹریفک ’ان ٹرانزٹ ایگریمنٹ (QTTA)وچ رلت دی درخاست کیتی اے۔ ایہ سمجھوتا ٹرانزٹ ٹریفک تے تجارت بارے سہولتاں دی فراہمی لئی پاکستان، چین کرغزستان تے قازقستان وچکار ہویا سی پر تاجکستان دی ایس سمجھوتے وچ رلت دی درخاست وی منظور کر لئی گئی اے۔ پارلیمنٹ دی منظوری مگروں تاجکستان وچکارلے ایشیا وچ ایس منصوبے دا سرکاری طور اُتے شراکت دار بن جائے گا۔ ایس سمجھوتے دے تحت تاجکستان نوں افغانستان دی مدد دے بغیر ای پاکستان دی گوادر پورٹ سنے ہور بندرگاہواں تک رسائی حاصل ہووے گی۔ ایہ متبادل راہ پاکستان تے تاجکستان دے تاجراں لئی محفوظ راہ ثابت ہووے گا۔