لاہور(پاکستان پوائنٹ نیوز05۔اپریل2018ء) پیار پیار وچ حسینہ نے محبوب دا گردہ کڈھ لیا۔ تفصیل مطابق ریلوے کالونی دے واسی محبوب زاہد مسیح دا کہنا اے کہ اوہدی گلشن بی بی نامی سوانی نال فون اُتے یاری ہوئی۔ یاری کدوں پیار وچ بدلی اوہنوں پتا ای نہ لگا تے فیر اک دن گلشن بی بی نے زاہد نوں ملاقات لئی سدیا تے زاہد دی ڈاڈھی خاطر داری کیتی تے کھان والیاں شیواں وچ نشہ رلا دتا۔
جیہدے مگروں زاہد بے ہوش گیا پر جدوں اوہنوں ہوش آیا تے اوہنوں پتا لگا کہ اوہدا اک گردہ نکل گیا اے۔ زاہد مسیح دا کہنا اے کہ گلشن نامی سوانی پہلے لوکاں نال یاری لاؤندی اے تے اوہدے مگروں گردہ کڈھ لیندی اے۔ زاہد نے پولیس اُتے الزام لاؤندے ہوئے آکھیا کہ پولیس ایس حوالے نال کوئی کارروائی نہیں کر رہی جدکہ پولیس گلشن بی بی نال رلی ہوئی اے۔
