لندن(پاکستان پوائنٹ نیوز28۔مارچ2018ء) برطانیہ وچ 21ورھیاں دی کُڑی نے صرف گھنٹے پہلاں پتا چلن اُتے کہ اوہ حاملا اے اک بال نوں جنم دے دتا اے۔ غیر ملکی خبر رساں ادارے مطابق برطانیہ وچ اک سوانی بارے ایہ گل ساہمنے آئی اے کہ اوہنوں اوس ویلے پتا لگا کہ اوہ ماں بنن والی جدوں ڈاکٹراں نے اوہنوں دسیا کہ جیہنوں اوہ عام درد سمجھ رہی اے اوہ اصل وچ عام درد نہیں اے۔
انگلینڈ دے شہر نیوکاسل وچ رہن والی 21ورھیاں دی شارلٹ ٹامسن پچھلے ہفتے اچن چیت خبراں وچ اووں آئی جدوں اوہدے ہسپتال جان توں پہلاں تیکر حاملا ہون دی کوئی علامت ظاہر نہیں ہوئی سی۔ اوہدا ڈھڈ پوری طرحاں نال جُڑیا سی جدکہ حمل دے تیجے مہینے ای ڈھڈ بھارا ہو جاندا اے ۔پر شارلٹ ٹامسن نوں صرف دو گھنٹے پہلاں پتا لگا کہ اوہدے گھر بال ہون والا اے۔ بال دی پیدائش اُتے ڈاکٹر ونیسا میکے نے دسیا کہ بہت ساریاں ایس طرحاں دیاں شیواں نیں جیہدے نتیجے وچ کسے نوں اپنے ڈھڈ وچ پلن والے حمل دا پتا نہیں لگدا۔
