بدین(پاکستان پوائنٹ نیوز23۔مارچ2018ء) گھراں تے شہراں دی اُساری تے اوہناں نوں آباد کرن دا سوچدے ای سبھ توں پہلے دماغ وچ مرد آؤندے نیں کیونکہ گھراں دی اُسار ی دا کم عام طور اُتے مرداں توں ای کروایا جاندا اے۔ پر بدین وچ اک پِنڈ ایس طرحاں دا وی اے جیہنوں بنان تے سنوارن والیاں صرف سوانیاں نیں۔ بدین دیاں سوانیاں نے ایس پِنڈ نوں شہر وانگ بنایا تے بُہت سنواریا۔
ایتھوں دیاں ساریاں سوانیاں نے گھراں دی اُساری توں لے کے اوہناں نوں سنوارن تیکر دی ذمے واری اپنے سِر لئی ہوئی اے۔ ایہ گل جتھے حیران کر دین والی اے اوتھے سلاہن جوگ وی اے کہ ایہناں گھراں نوں بنان وچ مرد کسے وی قسم دا تعاون نہیں کردے۔ کچے گھراں دی اُساری دا کم سوانیاں ای ویہلیاں ہو کے اک دوجے دی مدد نال کردیاں نیں۔
