ہن فوٹی کاپی مشین آپے تہاڈے گھر آئے گی

لاہور(پاکستان پوائنٹ نیوز13۔جنوری2018ء) انسان نے پندھ کرن دے نال اپنی زندگی نوں تھوڑا سوکھا بنا لیا اے۔ہن انسان جو وی شے لینا چاہوے اوہ اوہنوں پیسے خرچیاں اوہدے گھر وچ ای مل جاندی اے۔ اجیہے پاکستانی نوجوان دی ویڈیو ساہمنے آئی اے جو لوکاں نوں ایسی سہولت دے رہیا اے کہ اوہناں نوں فوٹو کاپی یاں اپنے کاغذاں نوں لیمینشن کروان لئی دُکان تیکر وی نہیں جانا پئے گا بلکہ فوٹی کاپی مشین آپ اوہدے گھر آئے گی۔محمد اویس نے اپنے رکشے نوں پرنٹنگ پریس بنالیا اے تے رکشے وچ ای جنریٹر دا بندوبست اے تاں جے اوہ لوکاں کول جا کے اوہناں دے کاغذاں دی فوٹو کاپی کر سکے۔ محمد اویس دا کہنا سی کہ میں پہلے اپنے رکشے نوں ہوٹل دے کم لئی استعمال کیتا پر اوہ کم نہ چل سکیا ، پر ہن میں اپنے رکشے نوں پرنٹنگ پریس لئی استعمال کرلیا اے۔ اویس دا ہور کہنا سی کہ میں اپنے کم راہیں اپنے سارے خرچے کڈھ لینا واں ۔ میں دیہاڑی دے 5توں 7رُپئے وی آسانی نال کما لینا واں۔