لاہور(پاکستان پوائنٹ نیوز10۔نومبر2017ء) فرانس دی رہائشی سوانی نوں انوکھے جرم دی سزا دا ساہمنا کرنا پیا اے۔ سینڈی نامی سوانی نے اپنے بوائے فرینڈ نوں پیغام گھلیا کہ لوک اوہنوں اغوا کر کے کار دی ڈگی وچ لے جا رہے نیں۔ بوائے فرینڈ ولوں سوانی دے اغواء دی اطلاع پولیس نوں دتی گی، جہنے سوانی دی 24گھنٹے بھال جاری رکھی، پر اوہدے مگروں اوہ آپے واپس آ گئی تے پولیس نوں دسیا کہ اغواء کاراں نے مینوں چھڈ دتا اے۔
سوانی دے بیان اُتے پولیس اہلکاراں نوں شک ہویا کہ شاید اوہ جھوٹھ بول رہی اے۔ جدوں پولیس نے تحقیق کیتی تے پتہ لگا کہ سوانی جھوٹھ بول رہی سی اوہ کسے دوجے بوائے فرینڈ نال ویلا لنگھانا چاہندی سی۔ عدالت نے سینڈی نوں 5ہزار یورو جرمانہ کردے ہوئے 6مہینیاں لئی قید دی سزا سنا دتی۔
