بھارت: غیر ملکی ائر لائن نے جہاز دا ٹکٹ 99رُپئے دا کر دتا

بھارت: غیر ملکی ائر لائن نے جہاز دا ٹکٹ 99رُپئے دا کر دتا

نویں د ِلی(پاکستان پوائنٹ نیوز13۔نومبر2017ء) ہن جہاز دا سفر ہوئے گا صرف 99رُپئے وچ۔ تفصیل مطابق بھارت وچ غیر ملکی ائر لائن ’ائر ایشیا‘ نے کرایاں وچ کمی دا اعلان کردے ہوئے جہاز دے ٹکٹ دی قیمت 99رُپئے کر دتی اے۔ ایہ آفر صرف 19نومبر تیکر بکنگ کران والے بندیاں لئی اے پر ایس سہولت دا اطلاق مئی 2018توں لے کے جنوری 2019تیکر دیاں اُڈاناں اُتے ہوئے گا۔ ائر لائن حکام دا کہنا اے کہ ملک اندر مخصوص شہراں وچ چلن والیاں اُڈاناں دا کرایہ 99رُپئے جدکہ باہرلے ملک چلن والیاں اُڈاناں دا کرایہ 444رُپئے متھیا گیا اے۔ ایس آفر توں فائدہ چکن دے خاہشمند بندے موبائل ایپ تے ویب سائٹ راہیں ای بکنگ کروان اُتے رعایت دے حقدار ہون گے۔