’مجھے کیوں پھلایا؟‘نواز شریف نامی ببل گم دی سوشل میڈیا اُتے دھم

لاہور(پاکستان پوائنٹ نیوز06۔اکتوبر2017ء) سابق وزیر اعظم میاں نواز شریف دی سپریم کورٹ توں نااہلی مگروں ’مجھے کیوں نکالا؟‘ والا سوال بہت مقبول ہویا۔ پر ہن ’مجھے کیوں نکالا؟‘ مگروں ’مجھے کیوں پھلایا‘ دی وی مقبولیت وچ وادھا ہو رہیا اے۔ جی بالکل!سوشل میڈیا اُتے نواز شریف ببل گم نامی اک چیونگم نوں مشہوری ملی اے۔ ایس چیونگم دے ڈبے اُتے نواز شریف دی تصویر دے نال نال ’بزنس آف پاکستان‘ لکھیا ہویا اے۔ ببل گم دے ڈبے دی ایس تصویر نوں سوشل میڈیا اُتے کئی وار شیئر کیتا گیا اے۔