نریندر مودی نال ویاہ کرن دی خاہشمند سوانی نے دھرنا دے دتا

نریندر مودی نال ویاہ کرن دی خاہشمند سوانی نے دھرنا دے دتا

نویں دِلی(پاکستان پوائنٹ نیوز09۔اکتوبر2017ء) بھارتی وزیر اعظم نریندر مودی نال ویاہ کرن دی خاہشمند سوانی نے دھرنا دے دتا اے۔ سوانی دا کہنا اے کہ جدوں تیکر نریندر مودی ویاہ نہیں کردا اودوں تیکر دھرنے توں نہیں اُٹھاں گی۔ تفصیل مطابق نویں دِلی وچ اک سوانی پچھلے اک مہینے توں دھرنا دتے بیٹھی اے۔ اوم شانتی شرما نامی ایس سوانی دا مطالبہ اے کہ بھارتی وزیر اعظم نریندر مودی جدوں تیکر ویاہ نہیں کردا اودوں تیکر دھرنے توں نہیں اُٹھاں گی۔

انڈین میڈیا رپورٹس مطابق 40ورھیاں دی اوم شانتی شرما دا تعلق بھارتی شہر جے پور توں اے تے اوہ 8ستمبر توں نویں دِلی دے مشہور علاقے جنتر منتر وچ دھرنا دتے بیٹھی اے۔ اوم شانتی دا کہنا اے کہ اوہ ذہنی روگی نہیں، پر اپنے وزیر اعظم دی اوہنوں فکر اے۔ جو اکلا اپنے موڈھیاں تے بھارت دا بھار لدھ کے دن رات کم کر رہیا اے۔میں اوہدا ضرور ساتھ دیواں گی۔اوم شانتی دا کہنا سی کہ ایہ سبھ کُجھ میں اوہناں ناں ویاہ کر کے کر سکدی آں۔یاد رہوے کہ اوم شانتی دی 20ورھیاں دی اک دھی وی ہے اے۔