سوات(پاکستان پوائنٹ نیوز05۔اپریل2017ء) سوات دی رہائشی کُڑی جو اپنی ماں نال لوکاں دے گھراں وچ کم کردی اے نے سافٹ ویئر مقابلے وچ ملک بھر وچ پہلی پوزیشن لے لئی۔ تفصیل دے مطابق طاہرہ 12ویں جماعت دی پڑھیار اے طاہرہ نے آن لائن ویب سائٹ اُتے اک تنظیم ولوں منعقد کیتے گئے مقابلے وچ پہلی پوزیشن لتی۔ طاہرہ دا کہنا اے کہ ایس کامیابی نے مینوں اگانہ ودھن دا حوصلا دتا اے تے میں ایس کامیابی دی وجہ اپنی ماں نوں مَندی آں۔
طاہرہ دا کہنا اے کہ اوہدا والد پندرھاں ورھے پہلا ایس دنیا توں ٹُر گیا سی جہدے مگروں اوہدی ماں نے لوکاں دے گھراں وچ کم کر کے اوہنوں پالنا شروع کیتا۔ طاہرہ نے دسیا کہ میں لوکاں دے گھراں وچ کمپیوٹرز ویکھدی ساں تے میرا وی دل کردا سی کہ میںایس حوالے نال کُجھ کراں۔چیتے رہوے کہ طاہرہ ہن تک کئی سوفٹ ویئرز وی بنا چکی اے۔
