بلوچستان :70ورھیاں دے بندے دے 42بال

بلوچستان(پاکستان پوائنٹ نیوز04۔اپریل2017ء) بلوچستان دے علاقے نوشکی دے رہائشی عبدالمجید مینگل 42بالاں دا پیو۔ ملک اندر جاری آدم شماری دے پہلے مرحلے وچ عبدالمجید مینگل دے گھر دا وی دورا کیتا گیا۔ عبدالمجید مینگل دے بالاں دی گنتی ملکی تواریخ دی آدم شماری دے دوران گنی جان والی سبھ توں ودھ اے۔ عبدالمجید مینگل دے 22پُتر تے 20دھیاں نیں۔ عبدالمجید مینگل دا کہنا اے کہ میں اپنے بالاں نال بہت چنگا واں پر مینوں اوہناں دے روزگار بارے پریشانی لگی رہندی اے۔ چیتے رہوے کہ ایس توں پہلے کوئٹہ دے ای اک رہائشی محمد جان دے 36 ہون دی خبر ساہمنے آئی سی۔