ملتان(پاکستان پوائنٹ نیوز07۔مارچ2017ء) ملتان وچ ہویا مہنگاترین ویاہ لوکائی دی توجہ دا مرکز بن گیا۔ تفصیل دے مطابق ملتان دے رہائشی نوجوان عرفان شیخ نے دسیا کہ اوہدی خاہش سی کہ اوہ اپنی جنج شیر اُتے لے کے جائے۔ عرفان نے آکھیا کہ اوہدے والد نے اوہدا ایہ خاب پورا کیتا۔ ایہو نہیں اپنے ویاہ اُتے عرفان نے سونے دا سہرا وی سجایا جہدے اُتے عرفان نے سبھ دی توجہ حاصل کر لئی۔
سونے دا ایہ سہرا عرفان نوں اوہدے مامے ولوں تحفے وچ دتا گیا سی۔ عرفان دے والد نے اپنے پُتر دے ویاہ اُتے پیسہ پانی وانگ وگایا تے گھٹو گھٹ 15ہزار پرواہنیاں نوں سَدا دِتا گیا۔ ایہو نہیں ویاہ دی تقریب وچ سائیں ظہور دی لائیو پرفارمنس وی کروائی گئی۔ لاڑے دے والد شیخ حشمت دا کہنا سی کہ ساڈے پہلے پُتر دی خشی سی جہنوں اسیں ڈاڈھی طرحاں منایا۔ مُنڈے والے والیاں ولوں شاہی خرچا ویکھ کے کڑی والے وی پچھانہ رہے تے اپنی دھی نوں 5کروڑ دا جہیز دے دِتا۔جہیز پیکج وچ لاڑے لئی نویں گڈی، اوہدے بھراواں لئی موٹر سائیکلاں تے تن درجن توں ودھ سونے دیاں مُندریاں وی شامل سن۔ ایس مہنگے ترین ویاہ دی تقریب دیاں کُجھ جھلکیاں تُسیںوی ویکھو:
