اک رُپئے وچ لاہوروں اسلام آباد لیجان والی لگثرری بس ساہمنے آ گئی

اک رُپئے وچ لاہوروں اسلام آباد لیجان والی لگثرری بس ساہمنے آ گئی

لاہور(پاکستان پوائنٹ نیوز08۔مارچ2017ء) رائل ایکسپریس دے ناں توں پاکستان وچ اپنے آپریشنز دی شروعات کرن لئی اک نویں بس سروس متعارف کروا دِتی گئی اے۔ ایس کمپنی نے مسافراں نوں لاہوروں اسلام آباد تے اسلام آباد توں لاہور سفر صرف اک رُپئے وچ کرن دی آفر دِتی اے۔ رائل ایکسپریس ولوں جاری بیان وچ دسیا گیا اے کہ کمپنی ائر لائنز وانگ مختلف ریٹس متعارف کروائے گی۔

سیٹ دی بکنگ ایڈوانس اُتے کیتی جائے گی، جے کسے مخصوص سفر لئی تُسیں اپنی ٹکٹ بُک کروان والے پہلے مسافر او تے اوہدی پہلی ٹکٹ دی قیمت اک رُپیہ ہووے گی جدکہ کُجھ ٹکٹاں دو سو رُپئے، چار سو تے ہور قیمتاں اُتے ویچےاںجان گے۔ ویب سائٹ `bookme.pk`توں تُسیں اپنی ٹکٹ دے نال نال اپنی سیٹ دا نمبر تک بُک کروا سکدے او۔ رائل ایکسپریس نے دسیا کہ اوہناں دے موجودا بیڑے وچ 16بساں شامل نیں جدکہ آن والے مہینے وچ ہور 30بساں بیڑے وچ شامل ہو جان گیاں۔

رائل ایکسپریس نے مسافراں نوں بہترین سہولتاں دین لئی بس وچ ای کچن، باتھ روم تے انٹرٹینمنٹ دیاں سہولتاں دِتیاں نیں۔ ایس توں وکھ رائل ایکسپریس وچ موبائل فون چارج کرن لئی پورٹ تے وائی فائی دی سہولت وی دِتی گئی اے۔ کمپنی دا کہنا اے کہ سفر دے دوران مسافراں نوں دِتے جان والے کھانے دا مینیو تے اجے فائنل نہیں ہو سکیا پر مسافراں نوں دِتے جان والے کھانے وچ برگر، پیزا فرائیڈ چکن سنے ہور شیواں شامل ہون گیاں۔ منزل اُتے پہنچن لئی ٹیکسی بک کروان دی سہولت وی موجود اے۔ رائل ایکسپریس کل لانچ کیتی جا رہی اے۔