لندن(پاکستان پوائنٹ نیوز16۔دسمبر2016ء) پاکستانی نژاد برطانوی باکسر عامر خان دی بیوی فریال مخدوم ولوں اپنے سوہرے اُتے لائے گئے الزاماں دے بعد باکسر دے والد سجاد خان اک وار فیر میدان وچ آئے، اوہناں دا کہنا سی کہ نوہ فریال مخدوم شیطان صفت سوانی اے۔تفصیل دے مطابق میڈیا نال گل بات کردے ہوئے سجاد خان دا کہنا سی کہ فریال نے خاندان دی عزت پوری دنیا ساہمنے ایس طرحاں رولی اے کہ جلدی ای اک ویلا آئے گا کہ عامر اوہنوں طلاق دین بارے سوچنا شروع کر دیوے گا۔
اوہناں دا کہنا سی کہ فریال الزاماں دے نتیجے وچ عامر دی عزت مٹی وچ رول رہی اے تے مینوں اپنے پُتر رحم آ رہیا اے۔ سجاد خان دا ہور کہنا سی کہ فریال نہ ای اوہناں دا فون چُک رہی اے تے نہ ای اوہناں نال گل بات کر رہی تاں جے معاملا حل کیتا جا سکے،اوہ صرف مشہور ہونا چاہندی اے ایس لئی اوہ ساڈے تے عامر وچکار قائم ایس مضبوط رشتے نوں توڑن دی کوشش کر رہی اے۔ اوہناں دا کہنا سی کہ اوہ اک شیطان صفت سوانی اے۔
