مردان دی سارہ خان نے پوری دنیا ساہمنے پاکستان دا سِر فخر نال اُچا کر دتا

مردان دی سارہ خان نے پوری دنیا ساہمنے پاکستان دا سِر فخر نال اُچا کر دتا

مردان(پاکستان پوائنٹ نیوز13۔فروری2018ء)مردان دی سارہ خان نے پوری دنیا ساہمنے پاکستان دا سِر فخر نال اُچا کر دتا اے۔ سارہ خان نے کیمبرج تے آکسفورڈ دے پڑھیاراں نوں پچھانہ چھڈدے ہوئے بوسٹن وچ ہون والی انٹرنیشنل جینیٹک انجنیئرڈ مشین دے مقابلیاں وچ برونز تے سلور میڈل جِت لیا۔ تفصیل مطابق پاکستان وچ کسے وی میدان وچ محنتی تے صلاحیت رکھن والے لوکاں دی گھاٹ نہیں اے۔

کئی وار تے بنیادی سہولتاں توں محرورمی مگروں پاکستانی نوجوان ایس طرحاں دیاں صلاحتاں دا وکھالا کردے نیں جو ترقی یافتہ ملکاں دے نوجوان صرف سوچ ای سکدے نیں۔ ایسے طرحاں دا اک کارنامہ مردان دی سارہ خان نے انجام دتا اے۔ سارہ خان مردان دی تحصیل کتلنگ دی رہن والی اے۔ سارہ خان نے کیمبرج تے آکسفورڈ دے پڑھیاراں نوں پچھانہ چھڈدے ہوئے بوسٹن وچ ہون والی انٹرنیشنل جینیٹک انجنیئرڈ مشین دے مقابلیاں وچ برونز تے سلور میڈل جِتیا اے۔