بھارتی کھڈاریاں نے پاکستان آن دا اعلان کر دتا

اسلام آباد(پاکستان پوائنٹ نیوز09۔اپریل2018ء) بھارت سنے کئی ملکاں دے غیر ملکی کھڈاری سپر کبڈی لیگ وچ رلت کرن گے۔ پاکستان کبڈی فیڈریشن دے حکام مطابق سپر کبڈی لیگ چالو مہینے دے آخری ہفتے لاہور وچ کھیڈی جائے گی ۔ لیگ وچ بنگلا دیش ، بھارت، ایران، عراق، جاپان، کینیا، کوریا، ملائیشیا، پولینڈ، سری لنکا، تھائی لینڈ، ترکمانستان، برطانیہ تے امریکا توں تعلق رکھن والے غیر ملکی کھڈاریاں دے رلت کرن دی آس اے۔ حکام نے دسیا کہ کبڈی دے کھیڈ نے پچھلے کُجھ ورھیاں توں بین الاقوامی شہرت حاصل کیتی اے تے ایہناں سارے ملکاں نے چنگے کھڈاری پیدا کیتے نیں۔حکام دا کہنا سی کہ سپر کبڈی لیگ وچ کئی ملکاں دے بہترین ٹیلنٹ نوں پاکستان وچ جی آیاں آکھیا جائے گا۔