اسلام آباد(پاکستان پوائنٹ نیوز19۔اکتوبر۔2018ء) پاک فوج دی ٹیم نے برطانیہ وچ ہون والے کیمبرین پٹرول مقابلے وچ سونے دا میڈل جت لیا۔ تفصیل مطابق پاک فوج دی گنتی دنیا دی بہترین فوج وچ ہوندی اے تے اوہدا ثبوت دنیا وچ باقی فوجاں دے مقابلے وچ پاکستانی فوج دے کارنامے نیں۔ایس توں وکھ اقوام متحدہ دے امن مشن وچ پاک فوج دے کردار نے پوری دنیا نوں اپنا چاہیوان بنایا ہویا اے۔
ایہدے نال نال پاک فوج دنیا بھر وچ ہون والے کھیڈاں دے مقابلے اندر وی حصہ لیندی اے۔ اجیہا ای اک مقابلا برطانیہ دے شہر ویلز وچ ہویا، جیہدے وچ پاک فوج دی ٹیم نے دنیا بھر دیاں ٹیماں نوں پچھانہ چھڈدے ہوئے گولڈ میڈل جت لیا۔ آئی ایس پی آر مطابق پاک فوج دی ٹیم نے برطانیہ وچ گیمبرین پٹرول مقابلے وچ گول میڈل جتیا۔ پاک فوج دی ٹیم نے لگاتار چوتھی وار گولڈ میڈل جتیا۔کیمبرین پٹرول دے مقابلے برطانیہ دے شہر ویلز وچ ہوئے۔
