نویں دِلی(پاکستان پوائنٹ نیوز05۔مئی2018ء ) بھارتی ٹینس سٹار ثانیہ مرزا نے آکھیا اے کہ ماں بنن مگروں کھیڈنا چھڈ دین والیاں لئی مثال بننا چاہندی آں۔ بھارتی کرکٹ سٹار ثانیہ مرزا دا انٹرویو دوران کہنا سی کہ ماں بنن نال ٹینس کیریئر متاثر نہیں ہوئے گا۔ ماں بنن مگرں کھیڈ چھڈن والیاں لئی متال بننا چاہندی آں۔ ثانیہ مرزا دا کہنا سی کہ ماں بنن دوران بھار ودھنا فطری اے ، ایہدے نال کوئی فرق نہیں پیندا بھاویں تُسیں سٹار ہوو یاں نہ ہوو۔
اوہناں دا کہنا سی کہ ہر ماں چاہندی اے کہ اوہدا بال صحت مند ہوئے۔ماں بنن مگروں وزن گھٹ کر لواں گی۔ اوہناں دا کہنا سی کہ گِٹے دی پیڑ کارن چھ مہینیاں توں ٹینس نہیں کھیڈ سکی۔ پیڑ ٹھیک نہیں ہوئی پر پہلے توں بہتر آں۔ ثانیہ مرزا دا کہنا سی کہ اولمپکس 2020اُتے اکھاں رکھیاں نیں جیہدے وچ اجے بہت دیر اے۔
