مشہور پاکستانی کھڈارن شرمین خان فوت ہو گئیاں

لاہور(پاکستان پوائنٹ نیوز13۔دسمبر۔2018ء) پاکستان ویمن کرکٹ ٹیم دی سابق کھڈارن شرمین خان 46ورھیاں دی عمر وچ لاہور وچ فوت ہو گئیاں۔ شرمین خان دی بھین شائزہ خان دے مطابق اوہناں دی موت نمونیا دی وجہ توں ہوئی۔ شرمین خان تے شائزہ خان نے پاکستان وچ ویمن کرکٹ دے شروعات وچ اہم کردار ادا کیتا سی۔ شرمین خان نے 2ٹیسٹ تے 26ون ڈے میچاں وچ پاکستان دی نمائندگی کیتی۔ قومی ویمن کرکٹرز نے شرمین خان دیاں خدمتاں نوں سلاہندے ہوئے اوہناں دی وفات اُتے دُکھ دا اظہار کیتا اے۔