نیو یارک(پاکستان پوائنٹ نیوز23۔اکتوبر۔2018ء) ورلڈ ریسلنگ انٹرٹینمنٹ (ڈبلیو ڈبلیو ای) دے سپر سٹار رومن رینز اچانک اپنے ٹائٹل توں دستبردار ہو گئے تے عارضی طور اُتے کھیڈ نُوں وی خیر باد کَہ دِتا۔ اِک دن پہلاں ڈبلیو ڈبلیو ای را دے ایونٹ وچ ڈبلیو ڈبلیو ای یونیورسل چیمپئن رومن رینز نے انکشاف کیتا کہ اوہناں نُوں لیو کیمیا دا روگ لاحق اے، واضح رہوے کہ ایہ بیماری کینسر دی اِک قسم اے جیہدی وجہ توں خون تے بون میرو متاثر ہوندے نیں۔
ہفتہ وار ایونٹ ڈبلیو ڈبلیو ای را دے دوران ریسلنگ رنگ وچ تقریر کردیاں ہویاں رومن رینز نے کہیا کہ اوہ پچھلے 4 ورھیاں توں ایس ریسلنگ رنگ وچ آ رہے نیں‘ بطور رومن رینز اوہناں نے بہت کجھ کیتا پر اوہ سبھ جھوٹھ سی۔ 33 سالا چیمپئن ریسلر دا کہنا سی کہ ایہ سبھ ایس لئی جھوٹھ اے کیوں جے اوہناں دا اصل ناں جوزف انوئے اے تے اوہ پچھلے 11 ورھیاں توں لیو کیمیا دا شکار نیں۔
