چلی دے صحرائی تے میدانی علاقیاں وچ الٹرا میرا تھن دوڑ

سنتیا گو(پاکستان پوائنٹ نیوز10۔اکتوبر۔2018ء) چلی دے صحرائی تے میدانی علاقیاں وچ الٹرا میرا تھن دوڑ ہانگ کانگ دے وونگ ہوچنگ نے جت لئی۔ سوانیاں دی انٹری وی زبردست رہی۔ سان پیڈرو دے کچے پکے ٹریکس اُتے الٹرا میرا تھن دا مقابلا ہویا جیہڑا 250 کلو میٹر لما تے اوکھے ٹریک اُتے ہویا دنیا بھر دے میل فیمیل ایتھلیٹ اِن ایکشن ہوئے تے سست دور وچ کمال دی چستی وکھائی پر ہانگ کانگ دے وونگ ہوچنگ نے متھیا فاصلا 24 گھنٹے تے 20 منٹ و چ طے کر کے میدان مار لیا۔ ایس شاندار جت اُتے اوہناں دا جاندار استقبال ہویا، جاپانی رنر دوجے نمبر اُتے رہے۔ سوانیاں وچوں جنوبی افریقا دی لارا ری نے سبھ نُوں پچھے چھڈ دِتا۔ یاد رہوے کہ عالمی دوڑ دا چوتھا تے آخری مرحلا اگلے مہینے انٹار کٹکا وچ ہووے گا۔