چینائی(پاکستان پوائنٹ نیوز16۔دسمبر2016ء) ہندوستانی ٹیسٹ کپتان ویرات کوہلی دے ذہن وچ دو ورھے پہلے انگلینڈ دا دورا اجے وی تازا اے پر اوہناں نے اج آکھیا اے کہ اوہ 2018وچ ٹیم انڈیا دے انگلینڈ ٹور توں پہلے کاﺅنٹی کرکٹ کھیڈنا چاہن گے۔ اوہناں دا کہنا سی کہ جے مینوں موقع ملیا تے میں انگلینڈ وچ کھیڈنا چاہواں گا، میں اوتھوں دے ٹور توں پہلے اک ڈیڈھ مہینہ اوتھے لنگھاواں گا تاں جے اوتھوں دے حالات توں جانو ہو سکاں تے ایہ سمجھ سکاں کہ سال دے اوس مخصوص ویلے وچ اوتھوں دیاں وکٹاں اُتے کھیڈ کس نوعیت دا ہوندا اے۔
کوہلی نے انگلینڈ خلاف پہلے ای جِتی گئی سیریز دے 5ویں و آخری ٹیسٹ دے موقعے اُتے وی آکھیا کہ کسے وی ٹیم لئی تیاری اہم ہوندی اے۔ اوہ دنیا وچ سوائے انگلینڈ، ہر تھاں چنگا سکور کر چکے نیں۔ اوہناں دا کہنا سی کہ انگلینڈ دا دو ورھے پہلاں والا ٹور اوہناں لئی مشکل ثابت ہویا سی۔ یاد رہوے کہ ویرات کوہلی نے مجموعی طور اُتے انگلینڈ وچ5ٹیسٹ کھیڈدے ہوئے 13.40دی اوسط نال سکور کیتا جدکہ اوہناں دا سبھ توںزیادا سکور 39رہیا اے پر 2014دے اوس مشکل ٹور دے بعد اوہ سارے فارمٹس وچ غیر معمولی ردھم دا وکھالا پیش کردے ہوئے ’رن مشین‘ بن چکے نیں۔
