لاہور(پاکستان پوائنٹ نیوز13۔دسمبر۔2018ء) اک دہاکے بعد بین الاقوامی کرکٹ پاکستان واپس آن لئی تیار اے۔ پاکستان نوں ایشیا کرکٹ کپ 2020دی مجمانی(میزبانی) مل گئی۔ تفصیل دے مطابق پاکستان دے سُنجے تے ویران کھیڈاں دے میدان اک وار فیر آباد ہون نوں تیار نیں۔ پی ایس ایل نے کامیابی نال پاکستان دا چنگا تے پرامن تاثر دنیا ساہمنے پیش کیتا تے پاکستان وی ہن اہم ترین بین الاقوامی کرکٹ دی مجمانی کرن لئی کامیاب ہو گیا اے۔
تازہ خبر دے مطابق ایشا کپ ٹورنامنٹ 2020دی مجمانی پاکستان نوں مل گئی اے۔ مجمانی پاکستان نوں دین دا فیصلا ایشین کرکٹ کونسل دے اجلاس وچ ہویا۔ وینیوز دا فیصلا ایونٹ توں کُجھ چِر پہلے کیتا جائے گا۔ ایشیاکپ ستمبر 2020وچ ہوئے گا۔ ایشیا کپ 2020ٹی ٹونٹی فارمیٹ اُتے کھیڈیا جائے گا۔یاد رہوے کہ پاکستان وچ سری لنکن ٹیم اُتے حملے مگروں پاکستان وچ کوئی وی بین الاقوامی ایونٹ نہیں کروایا جا سکیا۔
