لاہور(پاکستان پوائنٹ نیوز14۔دسمبر۔2018ء) قومی ہاکی ٹیم دے ہیڈ کوچ توقیر ڈار نے ورلڈ کپ وچ ٹیم دی مندی کارکردگی مگروں عہدے توں استعفا دے دتا اے۔ وسیلیاں دے مطابق توقیر ڈار نے اپنا استعفا پاکستان ہاکی فیڈریشن(پی ایچ ایف) دے صدر بریگیڈیئر (ر) خالد سجاد کھوکھر نوں گھل دتا اے۔ یاد رہوے کہ قومی ہاکی ٹیم نے بھارت وچ جاری ورلڈ وچ مندی کارکردگی وکھاندے ہوئے 12تے آخری پوزیشن اُتے قبضہ کیتا سی۔
پاکستان نوں ایونٹ دے پہلے میچ وچ جرمنی ہتھوں ہار دا ساہمنا کرنا پیا سی۔ دوجے مقابلے وچ پاکستان تے ملائیشیا دا مقابلا اک، اک گول نال برابر رہیا جدوں کہ پول ڈی دے تیجے تے آخری میچ و چ ہالینڈ نے پاکستان نوں اک دے مقابلے وچ پنج گولز نال ہرایا سی۔ منگل نوں ہاکی ورلڈ کپ دے پری کوارٹر فائنل وچ بیلجیئم کولوں ہار مگروں پاکستان ٹورنامنٹ توں ای باہر ہوگیا سی۔پرتازہ اطلاع دے مطابق قومی ہاکی ٹیم دے ہیڈ کوچ توقیر ڈار نے ورلڈ کپ وچ ٹیم دی مندی کارکردگی مگروں عہدے توں استعفا دے دتا اے۔ وسیلیاں دے مطابق توقیر ڈار نے اپنا استعفا پاکستان ہاکی فیڈریشن(پی ایچ ایف) دے صدر بریگیڈیئر (ر) خالد سجاد کھوکھر نوں گھل دتا اے۔
