اسلام آباد(پاکستان پوائنٹ نیوز17۔مئی2017ء) پاکستان وچ ہون والے بین الاقوامی سطح دے ر یسلنگ ایونٹ دے سابق منیجر قمر چودھری نے انکشاف کیتا اے کہ پاکستان وچ ریسلنگ دے حالیہ سارے شیڈول میچ فکس نیں، بادشاہ خان بھلوان تے شاہد الحق وچکار ہون والی گل بات مگروں میچ فکسنگ بے نقاب ہو گئی، ایس حوالے نال سارے ثبوت موجود نیں جدکہ اسلام آباد دی مقامی عدالت نے ذکر کیتے گئے ایونٹ خلاف حکم امتناع جاری کردتا اے۔
تفصیل دے مطابق منگل نوں پاکستان وچ ہون والی ریسلنگ دے سابق ایونٹ منیجر قمر چودھری نے میڈیا نمائندیاں نوں دسیا کہ سی ایس ڈبلیو نامی کمپنی دے تحت حارث عرف بادشاہ خان بھلوان نے شاہد الحق نال رلکے پاکستان وچ ہون والے بین الاقوامی ریسلنگ مقابلیاں دی میچ فکسنگ دا منصوبا تیار کیتا اے۔ اوہناں نے دسیا کہ بادشاہ بھلوان تے شاہد الحق وچکار ہون والی گل بات نال میچ فکسنگ بے نقاب ہو گئی۔اوہناں دا کہنا سی کہ میچ فکسنگ دی بنیاد اُتے ہون والی انٹرنیشنل ریسلنگ پاکستان دی بدنامی دی وجہ بند سکدی اے۔
