پاک بھارت سیریزدی منظوری دے دیو: سری لنکن کرکٹ بورڈ دی بھارتی وزیر اعظم اگے درخاست

لاہور(پاکستان پوائنٹ نیوز17۔مئی2017ء) سری لنکن کرکٹ بورڈ دے صدر تھیلانگا سوماناتھی پالان نے بھارتی وزیر اعظم نریندر مودی توں درخاست کیتی اے کہ اوہ پاک بھارت سیریز دی منظوری دے دین۔ میڈیا رپورٹس دے مطابق سری لنکن بورڈ ولوں آکھیا گیا اے کہ سیریز دی بندش نال نا صرف پاکستان پریشان اے بلکہ بھارت دے نہ کھیڈن دی وجہ توں بھارت نوں وی اونا ای نقصان ہو رہیا اے جِنا پاکستان نوں۔ دوویں ٹیماں نوں دبئی یاں سری لنکا وچ کھیڈن دی منظوری دتی جائے۔ میڈیا رپورٹس دے مطابق سری لنکنا آن والے ویلے وچ اپنی ٹیم نوں پاکستان گھلن دا کوئی ارادا نہیں رکھدا پر اوہ پاکستان تے بھارت وچکار سیریز دی مجمانی لئی تیار اے۔